Nag-uwang sa away sa magtiayon-napusilan

26

South Cotabato- napusilan ang usa ka lalaki nga igo lang nag-uwang sa away sa magtiayong silingan niini sa may Purok Bagong Lipunan, Barangay San Isidro, Koronadal City.

Naila ang biktima nga si Winsy Arellano, 27, construction worker, samtang ang suspek giilang si Renan Pelaez, 28, vulcanizer, parehong residente sa Purok Bagong Lipunan.

Sa inisyal nga imbistigasyon sa kapulisan nasuta nga naglalis ang magti-ayon sulod mismo sa ilang panimalay. Migawas ang asawa sa ilang panimalay diin gisundan kini sa suspetsado, didto na sila giuwang sa biktima nga gikasuko sa suspek.

Kalit niining gibunlot ang iyang pusil dayon gipusil ang biktima igo sa iyang lawas. Paspas kining misibat samtang ang biktima gilayon nga gidala sa iyang mga kabanay sa ospital sa Koronadal.

Sa karon nagpadayon ang imbistigasyon sa kaso ug padayon usab nga gipangita ang suspetsado.

Facebook Comments