Ging pa aksyonan sa Local Government Unit it Kalibo ro naga hapay nga pader sa San Lorenzo Drive sa may Toting Reyes St. nga gina agyan pa eapos sa Calachuchi road bangod sa delikado eon daya.
Sa session it Sangguniang Bayan it Kalibo kahapon ging paabot ni SB member Buen Joy French kay Engr. Marlo Villanueva ro nasambit nga problema bangod sa masyado suno raya nga delikado sa mga naga agi ag naka parking nga saeakyan sa lugar.
Suno man kay Engr. Villanueva, daya nga butang hay ana it building officials kung sa siin kabuhay eon man nana raya nga hapaabot sa natungdan.
Nagpangako man si Engr. nga ipaabot na raya nga concerned kay Engr. Emerson Lachica dahil masyado eon suno kara nga sagabal sa pumueoyo nga kung sa siin sa tabok eamang raya it sangka eskwelahan.
Nasayuran nga pilang dag-on eon nga nakahapay raya nga pader nga masyadong mataas ag ginapalibutan do sangka baligyaan it mga building materials.
Samtang ging harangan eon makaron do idaeom it pader para nga ma-iwasan it mga motorista nga agyan do area bangod nga base gulpihan eang rayang matumba.
