Dead on arrival sa ospital ang nagabisekleta sa nagluntad nga disgrasya sa dalanon sa Brgy. San Isidro, Koronadal City, alas 11:00 sang gab-i sang Hulyo 17 subong nga tuig.
Ginkilala ang biktima kay Gregorio Legadia, 43 –anyos kag residente sang Prk. Malipayon, Brgy Sto. Niño, Koronadal City, South Cotabato.
Imbolbado sa nasambit nga insidente ang isa ka bisekleta nga ginamaneho sang biktima, isa ka unit sang Kawasaki MC bilang V2 kag isa pa ka motorcycle bilang V3 nga ginamaneho ni alyas” Dante” kag may backrider nga ginkilala kay “alyas” Daniel.
Base sa imbestigasyon sang Traffic Section sang Koronadal CPS, nabungguan sang V3 ang V2 kag ang V2 nabungguan sini ang bisekleta.
May-angot sini, ang driver sang vehicle 2 kag kaupod sini kag ang nagakabisekleta ang nakaangkon sang pilas sa mga nagkalain-lain nga parte sang ila lawas nga gindala naman sa ospital, apang gindeklarar nga patay ang driver sang bisekleta.
Samtang ang V3 ang tigayon naman nga nagpalagyo.
.
