PATAY na sang nasapwan ang isa ka lalaki sa Purok 11, Hacienda Arceo, Barangay Alangilan, syudad sang Bacolod.
Ang bikima ang ginkilala sa kay Ryan Delgado, 29 anyus, residente man sang amo nga lugar.
Si Delagado ang nasapwan kahapon sang aga nga wala na sang kabuhi kag naga-hapa-on na malapit sa ‘quarry site’ kag naka-BRIEF nalang.
Nahibalu-an nga si Delgado kaupod sang iya 14 anyus nga hinablos ang nag-gwa sadtung sabado sang gab-e agud nga magpanguha sang paka.
Apang, ini sila ang ginlambatan sang apat ka mga armado nga lalaki, ginpahapa kag ginpa-uba sang ila panapton.
Suno sa menor de edad nga kaupod sang biktima, nga ginapasibangdan sila sang mga suspek nga amo ang nagapangawat sang mga gamit sang quarry sa diin ginluthang sang isa sa mga suspek ang iya nga tiyo nga gintuna-an sang kamatayon sini.
Nakadalagan naman ang 14 anyus sa diin gin-tuyo man ini kuntani nga tiruhon apang ginpunggan sang isa sa mga suspetsado.
Nagpanago naman ang bata sa kahilamunan sa diin iya nalang ginpalab-ot tubton mag-aga antis mag-guwa kag didto na siya nakapanugid sang natabu sa iya pamilya.
Nahibalu-an nga wala naman sang record sa Police Station 5 ang ginpatay nga si Delgado.
