Nagbaktas, gidunggab sa Sukarap

19

General Santos City–Padayon pang ginaila sa Pendatun Police Station 1 ang mga suspect nga midungab sa usa ka carpentero nga si Alex Casicas, 33 anyos ug nanimuyo sa Purok Banualan, Barangay Tambler General Santos City alas 10:30 sa gabie sa Pioneer Avenue, barangay Dadiangas South.

Sumala pa ni Police Captain Abdulsalam Mamalinta nga basi sa ilahang nahimong imbestigasyon nagbaktas lang ang biktima sa dihang kalit lang giduolan sa grupo sa mga batan-on diin kalit gidunggab sa mga nahisgutan ang biktima gamit ang hait nga hinganiban igo sa tuo nga bahin sa iyahang tiyan.


Paspas nga misibat ang mga suspek human sa pagpanunggab.

Dugang pa ni Mamalinta nga basi matud pa sa pagbutyag sa mga witness ug sa biktima mga miyembro sa Children in Conflict With the Law kon mas naila sa tawag nga mga Batang Sukarap sa maong lugar ang responsible sa pagpanunggab.

Sa kasamtangan aduna na matud pay profile ang Police Station 1 sa tanang mga CICL sa ilahang area of responsibility ug mao kini ang ilahang ipakita sa biktima aron nga ma-identify ang suspect.(Dave Silagan)

Facebook Comments