NAGBISITA | Special Assistant to the President Bong Go, nagbisita sa haya sang OFW nga ginpatay sa South Korea kag sa suldado nga napatay sa engkuwentro..

Nagbisita si Special Assistant to the President Bong Go sa haya ni Private First Class Vicente Marcon, ang soldado nga napatay sa Kabankalan, Negros Occidental kasunod sang engkwentro sa tunga sang Philippine Army kag rebelde nga grupo sang nagligad nga Mayo 12.

Pasado las 3 kahapon sang hapon sang nagpadulong si Secretary Go sa Brgy. Ingas, Cabatuan agud ipalab-ot ang pagbuylog ni Presidente Rodrigo Duterte sa kasubo sang pamilya Marcon.

Una diri, nagpadulong ang opisyal sa puluy-an sang Pamilya Claveria, ang Ilonggo OFW nga nasapwan patay sa sulod sang septic tank sa south korea.


Magluwas sa pagpalab-ot sang simpatiya, naghatag man sang bulig pinansyal sang gobyerno si Go sa pamilya Marcon.

Kaupod ni Go nga nagpadulong sa puluy-an sang pamilya si Presidential Communications Secretary Martin Andanar kag iban pa nga mga opisyal sang gobyerno.

Nangin emosyonal naman ang pamilya Marcon sa nangin pagbisita sang mga opisyal sa haya sang napatay nga soldado.

Ang 26 anyos nga si PFC Vicente Marcon natalana nga ilubong subong nga semana.

Facebook Comments