Nagbudots sa dihang gipatukar ang kantang Lupang Hinirang, gisikop

24

Human nahuwasan sa iyang kahubog, nagbasol ang usa ka 24 anyos nga lalaki human iyang gibastos ang  awit nga Lupang Hinirang sa Pilipinas atol sa closing ceremony sa disco dance mga alas 12 sa tungang gabie sa Barangay Bonbon ning syudad.

 

Tungod sa iyang kaulaw sa iyang uyab, ang maong suspek wala mohatag sa iyang insaktong ngalan sa mga apprehending officer sa Carmen Police Station.

 

Apan matud  sa maong suspek  ang iyang nake-name usa ka “Buldoks”, 24 anyos ug konduktor sa Jeep depasahero ug taga Barangay Bonbon ning syudad sa Cagayan  de Oro.

 

“Dili nako mo-usab sir, dili napud ko mang-disco, mag-concentrate nalang ko sa akong uyab” matud ni Buldoks

 

Matud ni Buldoks nga tungod sa iyang kahubog, wala siya masayod nga Lupang Hinirang man diay ang gipatukar sa Operator sa Amplifier silbing Closing Ceremony sa maong disco dance.

 

“Abi nakog budots dance” matud pa sa maong suspek nga gipusasan ug gi-detain sa Carmen Police station.

 

Si Buldoks mao ang unang lalaki nga gidakop sa Cagayan  de Oro human iyang gibastos ang National Anthem.

 

Facebook Comments