Nagchristmas party, isa patay isa pilason matapos naaksidente sa motor

BACOLOD CITY – Patay ang isa ka babayi nga nagaangkas sa motor samtang nasamaran naman ang driver sini matapos nga ini sila ang naaksidente may mga las 4:47 sini gid lamang nga kaagahon sa isa ka intersection sa Libertad Extension, ciudad sang Bacolod.

Nakilala ang biktima nga napatay nga amo si Lindsay Labiga, 22 anyos, residente sang Celine Homes, Brgy. Estefania, Bacolod City.

Ang nasamaran naman nga driver sang motor ginkilala kay Janald Ungod, 31 anyos, tumandok sang Guintubdan, Isabela.


Si Ungod ang nag-angkon sang pilas sa ulo kag nautod pa ang iya tuo nga tiil.

Suno sa imbestigasyon ang mga biktima ang naghalin sa Christmas party kag magapauli na kuntani sang ini sila ang nabungguan sang isa ka pribado nga jeep nga may direksyon halin sa east pakadto sa west.

Nahibaluan nga ang biktima nga babayi ang nagsaulog pa sang iya birthday kahapon nga adlaw apang pagkaaga napatay bangod sa aksidente./dyHB BACOLOD

Facebook Comments