Nagdula ug baraha, gidunggab

12

General Santos City—- Samad dinunggaban sa walang bahin sa likod ang naangkon niining usa ka 22 anyos nga laborer sa fishport human kining gidunggab sa iyaha lang usab silingan.

Ang biktima nailang si Bincent Egaan Hijara, 22 anyos nga residente sa Low-ground Hilltop, Prk. 17-a Brgy. Fatima ning dakbayan samtang ang suspek nailang si Crisanto Halilong Hondrada, 53 anyos, laborer sa fishport nga silingan sa biktima.

Basi sa inisyal nga pagsuta, nagdula ug baraha ang biktima ug ang suspek atol sa lamay sa ilahang silingan dihang maglalis human nga wala magsinabtanay. ikuha matud pa ug kutsilyo ang suspek dayon dunggab sa biktima.

Alas 11 pasado ang takna sa gabii milabay’ng Marso 12 dihang malampusong nadakpan ang suspek atol sa gihimong pursuit operation. Sa karon, balhog na sa lock up cell sa Police Station 7 ang suspek ug ginhikay na ang tukmang kasong ipsaka batok kaniya.

Facebook Comments