Patay ang isa ka lalaki matapos maghikog pinaagi sa pagbitay sang iya kaugalingon sa puno sang Gmelina.
Ginkilala ang biktima nga si Roberto Igalam, 37 anyos, sultero kag pumuluyo sang Sitio Langhad, Barangay Alameda, Igbaras, Iloilo.
Ginpahayag ni Police Chief Inspector Rogelio Tumagtang nga mga alas 4:30 sang hapon (oktubre 25) nasapwan sang iya utod nga si Reynaldo Igalam nga nagabitay sa puno sang Gmelina sa guwa sang ila balay.
Dali-dali nga gindala sa Guimbal District Hospital ang biktima apang gindeklarar ini sang doktor nga dead on arrival.
Suno kay Tumagtang nga base sa ila pagpangusisa, posible naga-suprer sang depression ang biktima bangud sa personal nga problema kabangdanan nga ini ang nagbitay sang kaugalingon.
Facebook Comments
