General Santos City—Patay nang nakaplagan ang usa ka tricycle Driver human kining naghikog didto sa may Purok Hechanova, Barangay Poblacion Polomolok, niadtong nakalabayng adlaw.
Biktima giilang si Josie Ortega, 37-anyos, tricycle driver ug residente sa maong lugar.
Sa inisyal nga imbistigasyon sa kapulisan ngadto sa kapuyo sa biktima nga si Jocelyn Lozada gibutyag niini nga ayha natigayon ang paghikog sa biktima nag-inum matud pa ang nasangpit dayon nanghasi pa sulod sa ilang balay.
Naglalis pa ang biktima ug si Jocelyn gumikan nagselos matud pa ang nasangpit ngadto sa iyang kapuyo.
Aron nga dili modako ang away sa duruha milakaw si Jocelyn apan sa iyang pagbalik nakurat nalang kini dihang iyang nakit-an nga nag bitay na ang biktima sulod sa ilang lawak.
Sa karon nagpadayon ang imbistigasyon kalabutan sa insidenti.
