Naghulat ang usa ka milyon ka pesos! Hepe sa Villanueva Municipal Police Station, giilang 2018 Outstanding Filipino sa Metrobank Foundation

Giilang usa sa napulo sa 2018 Metrobank Foundation Outstanding Filipinos ang Hepe sa Villanueva Municipal Police Station, Villanueva, Misamis Oriental nga si Police Senior Inspector Dennis Ebsolo.

Tungod niini si Police Sr. Insp. Ebsolo makadawat og usa ka million ka pesos, gold medallion ug trophy.

Himoon ang awarding karong Biyernes, Setyembre 7 sa Metrobank Plaza, Makati City isip kabahin sa ilang kasaulogan sa Metrobank’s 56^th anniversary.

Gawas kang Police Sr. Insp. Ebsolo, dunay laing duha ka pulis, upat ka magtutudlo ug tulo ka sundalo ang giilang 2018 Metrobank Foundation Outstanding Filipinos nga gikan sa lain-laing bahin sa Pilipinas.

Nasayran nga si Police Sr. Insp. Ebsolo, 20 ka tuig nang nagserbisyo isip pulis.

Matud ni PSI Ebsolo nga kung alang sa uban ang badge sa usa ka police officer nagrepresents sa gahom ug otoridad, alang kaniya kini nagpasabot og selflessness ug serbisyo alang sa komunidad ug nasud.