NAGLAPAW SA LINYA | Isa patay sa bunggoanay sang motorsiklo kontra bus liner sa Brgy. Atiplo, Mambusao!

Mambusao, Capiz – Patay ang 51-anyos nga driver matapos ang bunggoanay sa tunga sang ginamaneho sini nga traysikol kag kasugata nga bus liner alas 10:45 sang aga sa Brgy. Atiplo banwa sang Mambusao.
Nakilala ang biktima kay Ananias Bacalangco Jr. y Madamba sang Poblacion Norte, Sigma, Capiz nga gindeklarar nga ginbawian sang kabuhi sang gindangat sa Mambusao District Hospital. Samtang pilason man ang pasahero sini nga sanday Angelyn Cerilo Jore, 32- anyos; Ronel Cerilo Jore, 36- anyos kag tatlo pa gid nga mga menor de edad.
Base sa inisyal nga imbestigasyon sang kapulisan, ginasubay sang mga biktima ang kurbadahon nga porsiyon sang amo nga dalan sang gulpi nga nag-agaw sang linya ang kasugata nga bus liner nga ginamaneho ni Rosario Cahayag y Sotto sang Misamis Oriental kabangdanan sang aksidente.
© Google photo