NAGMAOY | Hubog nga anak, nabun-an sang mismo amay sa banwa sang Ivisan!

Roxas City, Capiz – Nabun-an mismo sang amay ang kaugalingon sini nga anak alas 7:50 sang gab-e sa Sitio Pagutok Ilaya-Ivisan, Ivisan Capiz.

Ginkilala ang biktima kay Joemar Magbanua y delos Santos, 39-anyos ang pang-edaron nga nag-angkon sang pilas sa iya dughan.

Samtang ang amay sini nga suspek ang nakilala naman kay Mario Magbanua Sr, 64-anyos ang pang-edaron.


Nahibaloan nga nagpangapin lamang ang suspek sa iya kaugalingon matapos ini ang ginsumbag sang makaduha ka beses sang hubog nga anak.
Base sa imbestigasyon sang kapulisan, nag-abot ang amu biktima kun sa diin nagasinggitan ini kag ginsilingan na “sugarol” ang amay.
Kasunod sini, iya nga gintapungol ang suspek sang makaduha ka beses kabangdanan nga nagkuha sang kutsilyo ang amay kag ini ang ginbuno.
Sa subong yara na sa karsel sang Ivisan PNP ang amo nga suspetsado.

Facebook Comments