General Santos City–Pormal nang napasakaan ug kasong pagsupak sa RA 9165 Sec 5 kon pagpamaligya ug iligal nga droga ang usa ka Geanne Suarez alyas Ann-Ann, 26 anyos nga nag pabuang-bunag human kining masikop sa gipahigayon nga buy-bust operation sa kapulisan niadtong milabay nga adlaw tungod sa pagbaligya niini ug usa ka sachet sa iligal nga droga.
Sumala pa ni pa ni Police Lieutenant Felix Minion III ang Deputy Chief Of Police sa Police Station 3 nga tungod kay napalitan ang nasangpit ilaha kining gipasakaan ug kaso ug ang korte nalang matud pa ang magdetermina kung molambo ang kaso niini tungod sa rebelasyon sa suspect nga aduna kini problema sa pangutok ug miagi na kini ug ka rehab sa mental hospital.
Dugang pa ni Minion nga daghan pag prosseso ang agian sa nasangpit nga suspect ayha mapamatud-an nga duna kini problema sa pangutok sama sa pag pailawom sa usa ka specialist.
Sa kasamtangan nagtingkagol ang suspect sa selda sa Police Station 3 ug gipaabot nalang sa kapulisan ang commitment order niini aron nga mabalhin sa Gensan Reformatory Center.(Dave Silagan)
