Tigbao, Zamboanga del Sur – Walo ka indibidwal ang gipusasan sa kapulisan dihang nasapnan nga nagpabugno og kabayo alas 11:30 kagahapon sa buntag didto sa Purok 7, Brgy. Maragang, Tigbao, Zambaoanga del Sur.
Gihimo sa kapulisan sa Tigbao ang Anti-illegal gambling operation uban ang tropa sa Provincial Anti-illegal gambling special operation task group nga miresulta sa pagsikop nila ni Charlemagne Berbanio, 44 anyos,Lorenzo Gaston, 42 anyos, Jeffrey Jacob, 24 anyos, Crisvic Ogoc 32 anyos, Elvin Ian Rabe ,Reden Abuga-a 49 anyos, Ricky Camporedondo 41 anyos ug referee nga si Abdulwahab Pangulima.
Nakuha gikan sa posisyon sa nahisgutan ang P10 mil nga pusta, whistle, tape measure ug duha ka kabayo nga igbulugno.
Gikustodiya karun sa kapulisan ang nadakpang mga lalaki lakip ang mga gamit nga nakuha kanila.
