Nagpakaaron-ingnon nga liaison officer sikop

Davao City – Nadakpan sa kapolisan sa San Pedro ang usa ka masahista nga mangingilad alas 6:30 sa kagabhion didto sa may Rizal Park siyudad sa Davao.

Base sa report gikan sa San Pedro Pnp ang suspetsado nailang Melvin Vasques alyas Alvin, 29 anyos nagpuyo sa Busna Barangay 76-A ning syudad samtang ang complainant mao si Alan Montabia, 48 anyos usa ka liaison officer sa usa ka taxi company nga Solid 88 Southstar nga nagpuyo sa Bilusa sakop sa nahisgutang barangay.

Matud pa, modus sa maong suspek ang musakay og taxi ug nagapanghulam og kwarta sa mga taxi driver dayon magpaila nga usa ka liaison officer sa maong taxi company.


Subay sa blotter, katulo na kahigayon gihimo sa suspek ang maong pagpangilad hinungdan nga nasikop sa kapolisan si Alvin sa pagpanguna ni Sr.Police Officer 1 Rizalito Clapiz III subay sa CCTV footage nga gipresenta sa complainant diin asa kumpirmado nga ang nawong gayod sa suspek ang anaa sa CCTV .

Ang suspitsado balhug na sa San Pedro Pnp ug mag-atubang og kasong swindling ug kasong estafa.

RadyoMaN Don Pulayao

Facebook Comments