Priso na sa Cadiz City Police Station ang nagpakilala nga major general kag walo ka iban pa matapos ang entrapment operation sang gintingob nga pwersa sang Cadiz City Police Station, Negros Occidental Police Provincial Office (NOCPPO) kag Tacurong City Police Station, la-1:05 sang hapon, Hulyo 24 sa Andrea Village, Brgy. Zone 2, Cadiz City.
Ang nagapakilala nga major general amo si Joel Famoso, temporaryo nga nagapuyo sa Brgy. Mandalagan, Bacolod City apang tumandok sang Tacurong City, Sultan Kadarat. Ginapahayag nga nagapatigayon sang investment scam sa ciudad sang Cadiz kag Negros Occidental ang suspek.
Si Famoso ang may yara sang order of arrest para sa kaso nga Estafa kag alias warrant of arrest sa kaso nga Usurpation of Authority kag Estafa nga gin-issue pa sa La Trinidad Benguet.
Ang kapulisan ang naggamit sang P120,000 nga boodle money para sa entrapment operation sa diin ginapasalig sang suspek ang dako nga interes sini kun i-invest sa lote kag mga propiedad.
Magluwas kay Famoso naaresto man ang mga upod sini nga sanday Ruel Telebrinco sang Guinhalaran, Silay City; Arman Casuyon sang San Pedro, Binalbagan; Juanito Gardoce sang Brgy. E Lopez, Silay City; Ivy Binas sang Poblacion, Tacurong City, Sultan Kudarat, Hazel Sharon Duclayan; Harriet Piamonte kag Heide Visitacion sang Zamboanga City kag Danellen Iligan sang San Teodoro, Binalbagan.
Si Famoso ang nakuhaan pa sang fragmentation grenade kag mga IDs kag may duha pa ka 38 caliber revolver nga nakuha sa duha man sini ka mga upod.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
