Nagpakunong pulis aron mangilkil og negosyante, dakpan!

24

Hagbong sa presohan ang duha ka tawo nga nagpailang pulis ngadto sa negosyante aron makapangilkil human nadakpan sa gilusad nga entrapment operation sa City Investigation and Detective Management Branch ug San Isidro Police Station 4 niadtong Lunes sa gabie sa may NLSA Road, Barangay San Isidro ning siyudad.

Sa report, giila ni Police Captain Brent Ian Salazar ang mga suspek na silang Willie Aballe Limao Jr., 44 anyos, residente sa Blaan Community ViIllage, Barangay Labangal ug Quennie Cademia Faciol, 25 anyos nga residente sa Upper London, Barangay Bawing ning siyudad.


Dugang ni PCapt. Salazar, unang nangayog tabang ang negosyanteng biktima ngadto sa CIDMB tungod sa pagpangilkil sa mga suspek alang sa proteksyon sa iyahang negosyo nga butane refilling business.

Matod sa biktima nga nagsugod sa pagpangilkil ang suspek niadtong September 2020 kung asa nagpaila ang mga nahisgutan na silang Police Master Sergeant ug Police Corporal.

Ginahadlok usab ang biktima sa mga suspetsado nga kung dili mohatag og 2 mil pesos isip protection money adunay mahitabo sa iyaha.

Gumikan sa panghitabo, mikasa ang CIDMB ug PS 4 sa usa ka entrapment operation batok sa mga suspek og malampusong nangasikop ang biktima sa mismong lugar kung asa kini naga-tinda.




Narekober sa kapolisan gikan sa mga suspek ang Colt .45 caliber pistol ug .38 caliber revolver lakip na ang mga buhing bala ug 2 mil pesos na marked money.

Dugang pa ni Salazar, nasuta nila nga walay saktong dokumento ang mga nakumpiskang armas og gipailawom sad kini sa ballistics examination sa Regional Crime Laboratory Office 12.

Samtang, atubangon sa duha ka mga suspek ang kasong pagsupak sa Article 249 o robbery-extortion ug Article 177 o Usurpation of Authority sa Revised Penal Code ug Republic Act 10591 o Unlawful Possession of Firearms and Ammunition.

Photo Courtesy: San Isidro Police Station 4

For more info’s and updates, like and share our official facebook account: www.facebook.com/ifm91.9Gensanofficial/

#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 123145560_1805509312931608_4622134781942666354_n.jpg]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments