NAGPANGGAMO | Himata nga nagpanggamo, arestado nakuhaan pa shabu

31

SAN CARLOS CITY – Gin-aresto sang mga katapo sang San Carlos PNP ang isa ka lalaki nga nagpangharas sa mag-asawa las 4:30 subong nga hapon sa Calachuchi St., San Julio Subd., Barangay 2.

Ang mag-asawa nga sanday Anne Marie Caballero kag Chris Ian ang nagtawag sa pulis para mangayo assistance bangod ginagamo sila ni Karl Florence Caballero, 38 anyos.

Pag-abot sang mga otoridad gilayon nga gin-aresto ang suspek sa diin nakuhaan pa ini sang isa ka sachet sang shabu sa iya paghinakop.

Gilayon nga gindala ang suspek sa Police Station kag natalana nga pasakaan sang nagakaigo nga kaso.

Facebook Comments