NAGPANGIMON SA BANA | Asawa nagpangimon sa bana nag-inom sang zonrox

5614

LA CARLOTA CITY, NEGROS OCCIDENTAL – Nagtuyo nga maghikog ang isa ka asawa bangud sa pagpangimon sa iya bana pinaagi sa pag-inom sang bleach cleaner.

Ang biktima isa ka 28-anyos nga babayi kag pumuluyo sang Brgy. Nagasi, ciudad sang La Carlota.

Suno sa iloy sang biktima nga may mga las 7:30 kagab-i ila na-abtan nga wala sang animo ang biktima.

Ginpahayag sang iloy nga may nakita sila nga bleach cleaner sa tupad sang biktima gani nagapati sila nga ini ang iya gin-inom sa tuyo niya nga paghikog.

Pahayag sang iloy sang amo nga babayi nga masami nga naga-pangimon ang iya bata sa bana sini kag posible nga kagab-i wala na niya napunggan pa ang iya balatyagon gani nahimo niya ang ini nga butang.

Dali-dali naman nga gindala sa Corazon Locsin Montelibano Memorial Regional Hospital ang biktima kag padayon ini karon nga ginabulong. /dyHB BACOLOD

Facebook Comments