Nagpasagad nga barangay officials sa COVID ordinances isyuhan og show cause order

27

Davao City – Pakanaugan og show cause order sa Department of Interior and Local Government (DILG) XI ang mga opisyales sa barangay nga wala gihimo ang ilahang mga tahas aron mapugngan ang pagtakod-takod sa COVID-19.

Sumala ni DILG XI Regional Director Alex Roldan, nga iyahang paesplekaron sa ang mga barangay officials nga wala ga-function aron hugot nga mapatuman ang mga minimum health protocols, pagsol-ob facemasks ug uban pang mga measures subay sa Executive Orders kontra COVID-19.


Giawhag niini ang publiko nga i-report sa DILG ang mga badlungong mga opisyales.

“Kung adunay reklamo, isulat sa amo kay himuan og Show Cause Order… Giingnan bitaw nga di mag sabong unya kay Kapitan man nag una-una ana… Kung naay pictures, ipasa sa amoa,” segun ni Roldan.

RadyoMaN Aimee Guinita

Facebook Comments