Nagpatuman sa curfew hour gipangkulata sa mga hubog

681

Davao City – Gipangkulata sa tulo ka mga hubog ang duha ka mga volunteer officer sa pagpatuman sa curfew hours sa Brgy. Bago Aplaya ning syudad sa Davao.

Mga complainant mao sila si Mario Ganzon ug si Ronald Gerondo, samtang ang tulo ka mga suspek naila usab nga sila si Roselo ug Jay Quipao, pulos mga dispatcher og jeep ug Phillio Arujo, pulos hamtung ang pangedaron ug nagpuyo sa naasoy’ng Barangay.


Sumala sa report sa Talomo Police Station, alas 8:00 sa gabii sa dihang gitahasan ang duha ka mga complainant aron ipatuman ang ordinansa sa syudad, gihagit sa tulo og sinumbagay ug maoy nanguna sa pagpangdagmal diin nasayran nga hubog ang tulo ka mga suspetsado.

Human sa insidente, malampusong nakaikyas ang tulo ka mga respondent samtang ang reklamo giduso ngadto sa Barangay.

RadyoMaN Paul Canono

Facebook Comments