NAGRESIGN ||PUNONG BARANGAY DABING ESPINOSA, NAGSUMITER SANG IRREVOCABLE RESIGNATION BILANG KAPITAN SANG MONICA-BLUMETRITT CITY PROPER

Nagfile sang irrevocable resignation sa opisina ni Mayor Jose Espinosa III sang Domingo, November 25, 2018 si Monica-Blumentritt, Iloilo City Punong Brgy. Keith “Dabing” Espinosa.

Copy furnished sang resignation letter ni Punong Brgy. Dabing Espinosa ang opisina sang Dept. Of Interior and Local Government (DILG).

Si Kap. Dabing ang asawa ni Jesus “jing-jing” Espinosa, nga nalista bilang sub-group leader ni PRO- 6 kag PDEA 6 identified druglord Melvin “boyet” Odicta.


Nahibalu-an, kaupod ni Kap Dabing nga nalista nga imbolbado sa iligal nga droga sanday anay Punong Brgy. Noemi Jablo sang Desamparados, Jaro nga una nadakpan sa buybust operation kag ang ginpatay nga si Punong barangay Remia Prevendido Gregori sang Bakhaw, Mandurriao.

Samtang, sang domingo, nadakpan man sa buybust operation si anay Kasing-kasing, Molo Punong Brgy. Kag karon number 1 Brgy. Kagawad Gemma Calzado nga kalakip sa narcolist ni President Rodrigo Duterte.

Una na nagfile sang leave of absence si Espinosa kag iya gin-extend tubtob 3 ka bulan sang bulan sang Hulyo kag Agosto bangud sa kahangawa sa iya kabuhi.

Facebook Comments