NAGSUMPA NA | 647 ka bag-o nga mga Police Officer 1, nagsumpa na sa katungdanan

16

Nagsumpa na sa katungdanan ang kapin sa 647 ka mga Police Officer 1 kaina sa Campo Delgado.
Angut sini, sa iya mensahe, ginpanugyan ni PRO-6 Director Chief Supt. John Bulalacao sa bag-o nga mga pulis nga mangin kabahin sang solusyon kag indi mangin kabahin sang problema.

Suno kay Bulalacao, ang bag-o sumpa nga mga pulis ang dapat mangin bag-o nga itsura sang PNP, mga pulis nga disiplinado kag values-oriented.

Aminado si Bulalacao nga may pila ka mga pulis nga ginapili nga maglapas sa kasuguan kaangay sang pag-intra sa iligal nga droga, pag-intra sa mga sindikato kag madamo pa nga iligal nga buluhaton.

bilang bag-o nga mga pulis, nagpahanumdom si bulalacao sa ila nga indi sila dapat magpa-impluwensiya sa indi husto nga mga pang-ginawi kag dapat manindugan sa eksakto bangud ang pagka-pulis isa ka pribilehiyo nga dapat amligan.

Agud mas mangin epektibo sila nga tagpatuman sang kalinong kag katawhay sa rehiyon, igapaidalom ang 647 ka pulis sa dugang nga paghanas sa Regional Training Center sa Negros Occidental antes sila ideploy sa nagkalain-lain nga police station sa Western Visayas.

Facebook Comments