NAGTALIWAN NA | OFW nga na comatose sang 7 ka adlaw sa hospital sa HK, ginbawian na sang kabuhi

532

Report ni: Tita Jen Palomo Debaja

Nagtaliwan na ang OFW nga taga Antique isa ka semana matapos nagpabilin nga comatose sa North District Hospital sa Sheung Sui.

Ginkumpirmar ni Consul Paul Saret, head sang Philippine Consulate General-Assistance to Nationals Section, nga ginhukas takna alas dos kahapon sang hapon ang life-support system sang 32 anyos nga OFW sa consent sang iya mister nga nag abot sang Agosto 7 halin sa Pilipinas.

Una na ini nga gindeklarar “brain dead” sang Agosto 6 matapos naka angkon sang multiple organ failure tuga sang pagbitay sang kaugalingon sa sulod sang CR sa balay sang amo gamit ang cable wires sang Agosto 1.

Naka skedyul naman nga patigayunon subong nga adlaw ang autopsy sang bangkay.

Ginpahayag sang attending doctor sa opisyal sang konsulado nga madugay na ang pag kabit sang biktima antis nasapwan sang amo rason nga fatal ang damaged sa vital organs sini.

May report man nga nag inom ini sang organic pesticide apang nagpahayag ang opisyal sang konsulado nga hulaton ang resulta sang autopsy.

Gina preparar naman sang konsulado ang mga kinahanglanon nga papeles sang mister para sa pag process sang repatration sang bangkay pauli sa Pilipinas.

May iban naman nga nagaduda sa kamatayon sang biktima bangud katingalahan nga deleted na ang tanan nga data sa cellphone nga gin turnover sa kapulisan.

Facebook Comments