SILAY CITY, NEGROS OCCIDENTAL – Natiruhan ang isa ka barangay tanod nga buot gid lamang kuntani nga magtambag sa rambol sang duha ka grupo sa Brgy. Balaring, Silay City kahapon sang hapon.
Nakilala ang biktima nga si Aldren Dubal, 30 anyos, isa ka barangay tanod kag pumuluyo sang amo nga lugar.
Suno sa biktima, may mga la 1:30 kahapon sang hapon, ini siya ang nagresponde sa ginreport nga away sang duha ka grupo sa ila man lamang lugar.
Sa tunga-tunga sang iya pagtambag nakibot na lamang ini nga may naglupok kag may igo na siya sa iya tuo nga kamot.
Gilayon nga gindala sa Corazon Locsin Montelibano Memorial Regional Hospital ang biktima kag padayon agud nga mabulong./dyHB BACOLOD
Facebook Comments
