BACOLOD CITY – Nagkalasamaran ang isa ka driver kag tatlo ka pasahero sang nahulog sa dalan nga under construction ang ila ginasakyan nga jeep (FVV 276) kaina sang kaagahon sa Brgy. Sum-ag, ciudad sang Bacolod.
Nakilala ang driver nga nasamaran nga amo si Roberto Perez, 40 anyos ang edad, pumuluyo sang Purok Greenfield, Brgy. Tangub, Bacolod City kag ang iya mga pasahero nga sanday Kathleen Torreces, 25 anyos ang edad, pumuluyo sang Pulupandan, Negros Occidental, Felicidad Laureano, 58 anyos sang Brgy. Sampinit, Bago City kag Charice Desto, 19 anyos residente sang Brgy. Pacol, Bago City. Base sa pagpangusisa sang Police Station 8, mga las 2:50 kaina sang kaagahon ang PUJ nga ginamaneho ni Perez nga nagabiyahe halin sa sur padulong sa norte ang nag-angkon sang mechanical failure.
Bangud sini, aksidente nga nahulog sa under construction nga dalan ang jeep nga nagresulta sa pagka-guba sang salakyan kag pagkasamad sang mga biktima. Ang mga biktima gindala sa Corazon Locsin Montelibano Memorial Regional Hospital.
/ Not the actual photo Tags: Visayas, dyhb, Bacolod
