Naidentify nga quarantine hospital para sa mga PUI sa South Cotabato, plastado na, public kag private health practitioner nag-isa.

24

Plastado na suno kay Dr. Rogelio Aturdido Jr., Provincial Health Officer sang South Cotabato ang naidentify nila nga ospital dire sa probinsya para sa mga person under investigation sa coronavirus disease 2019 ukon COVID -19.
Samtang ginklaro ni Dr. Aturdido nga ang ibutang sa PUI confinement center amo yadtong may severe manifestations na ukon nabudlayan na sa pagginhawa.
Katuyuan sini nga indi maapektuhan ang mga health services sang iban pa nga mga hospital sa probinsya.
Suno kay Dr. Aturdido nagtingob sang pwersa ang mga public kag private health practioner sa pagpadalagan sang nasambit nga quarantine hospital agud nga magbinuligay nga mapunggan ang paglapta sang balatian nga COVID-19 dire sa probinsya.
Ginsiguro naman sang provincial health officer nga wala sang dapat nga kabalak-an ang publiko sa lugar sa paggamit sang isa ka ospital sa probinsya nga ginhimo nila nga PUI facility tungod well-secured ang nasambit nga pasilidad nga magluwas nga malayo sa mga panimalay napalibutan ini sang mataas nga pader.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments