Naka ‘stay home’ uniform dili exempted sa checkpoint inspection

Davao City – Giklaro ni Davao City Mayor Sara Duterte-Carpio nga dili exempted sa inspection sa Davao checkpoints ang mga naka uniporme og ‘stay home’ t-shirt diin kini ang nahimong kampanya sa mga City Government of Davao batok Coronavirus Disease 2019 (COVID-19).

Matud sa Alkalde nga sayop sa checkpoint kung dili pangayoan og dokumento ang nahisgutan tungod sa pagkonsidera’ng sila empleyado sa gobyerno diin mamahimo usab magpahimo niini ang uban ug magsuot sa susamang uniporme.

“Kung naka ‘stay home’ t-shirt ka, then muagi ka sa checkpoint, dili na ka pangitaan og documents, that is incorrect. Mali na siya sa checkpoint,” tataw niini.


Gipasabot ni Mayor Sara nga dili makataronganon nga magpabuhat og ‘stay home’ t-shirt aron lamang nga dili malangay sa checkpoint diin kini dili angay himuong rason sa mga personahe diha sa checkpoint.

RadyoMaN Kirby Manzon

Facebook Comments