BACOLOD CITY – Nadakpan man sa ginpatigayon nga drug buy bust operation sini gid lamang nga kaagahon sang duha ka mga suspek sa Sitio Sibucao, Brgy. Banago, ciudad sang Bacolod.
Ginkilala ang mga suspek nga sanday Roger Santos, 42 anyos ang edad, kasado kag pumuluyo sang Purok Tumpok, Brgy. Zone 15 Talisay City kag si Arnold Corpuz, 39 anyos ang edad sang Brgy. Zone 6, Talisay.
Suno sa report sang Police Station 3, may mga las 12:10 sini gid lamang nga kaagahon, ginpatigayon ang buybust sa mga suspek kag nakuha sa ila possession ang tatlo tanan ka sachet sang suspected shabu, buy bust money kag drug paraphernalia.
Ginpatigayon sang Police Station 3 ang buy bust sa koordinasyon man sang PDEA Region 6. Sa karon ang mga suspek detained na sa custodial facility sang PS3./dyHB BACOLOD
