Tingkagol karon sa balay bilangguan ang usa ka pinangita sa balaod human kini malampuson nga nasikop sa PNP Liloy niadtong adlawng martes bandang 4:00PM ang takna.
Sa nahipos nga impormasyon, nasayran nga ang sakop sa PNP Liloy sa pagpanguna ni SPO4 Vincent Adoptante uban sa duha ka kauban niini nagpahigayon ug operasyon partikular sa may barangay Baybay Liloy.
Didto malampuson nilang nasikop si Juan Lastimoso Labiano, 49 anyos, nagpuyo sa Imelda sakop sa lungsod sa Labason ning probinsya sa Zamboanga del norte pinaagi kini sa warrant of arrest gikan sa lamesa ni Presiding Judge Oscar D. Tomarong, sa RTC9 branch 28, Liloy.
Nakalapas kini sa R.A 9287 (“An Act Increasing The Penalties For Illegal Numbers Games & Its Implementing Rules”) ilawom sa CC no. L-003331.
Ang korte nag rekomendar sa pyansa sa kantidad nga P20,000mil alang sa iyang temporaryong kagawasan.
