Nakaligis og iring, patay human nabangga sa barindilya

34

Masulob-on karon ang pamilya sa pagpanaw sa usa ka ulitawo human makabsan og kinabuhi tungod sa disgrasya nga nadangatan sa dalan niaging gabie sa may Airport-Diversion Road, Barangay Fatima ning siyudad.

Sa gihimong imbestigasyon sa Traffic Management Unit giila ang biktima sa disgrasya sa pangalang John Paul Abrahan, 20 anyos, residente sa Purok Bualan, Barangay Tambler ning siyudad.


Dugang imbestigasyon sa TMU, nagmaneho ang biktima og motorsiklo og pag-abot sa lugar nga nahitaboan sa aksidente nawad-an kini og kontrol hinungdan mibangga sa barindilya.

Samtang gibutyag sa igsuon sa biktima, nananghid ang nahisgutan nga moadto sa iyahang barkada og pagpauli niini sa ilahang balay naka-inum na og makahubog na bino.

Nasuta sa pamilya nga nakaligis og iring ang biktima hinungdan sa iyang pagkadisbalanse og mibangga sa barindilya.

Tungod sa kusog na bangga napurohan ang ulo sa biktima hinungdan sa iyahang kamatayon.




Gihaya na sa punerarya ang patayng lawas sa nahisgutan.

For more info’s and updates, like and share our official facebook account: www.facebook.com/ifm91.9Gensanofficial/

#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 122428403_4441332392603721_5700111418718117212_o.jpg]

Facebook Comments