NAKAPAULI NA | PHI envoy nga gin expell sa Kuwait, nakabalik na sa Pilipinas

18

Report ni: Tita Jen Palomo Debaja

Philippine Ambassador sa Kuwait Renato Villa nag abot na kagab e sa Manila matapos gindeklarar “persona non grata” sang pungsod Kuwait.

Gin sug alaw si Villa ni Foreign Affairs Secretary Allan Peter Cayetano sa Ninoy Aquino International Airport .

Nangin envoy si Villa sa Kuwait sang halos 3 ka tuig apang gintagaan sang expulsion order matapos nag viral ang video sang rescue operation sa mga distressed Filipino workers sa nasambit nga pungsod kag nag resulta sang diplomatic row sa tunga sang Pilipinas kag Kuwait.

“I am really glad to be back in the Philippines. Filled with pride and honor for having been given the opportunity to serve our country and most especially our kababayans in Kuwait for almost 3 years,” pahayag ni Villa sa mga reporters.

Sa press briefing ginpahayag ni Foreign Affairs Secretary Alan Cayetano, nga padayun ang pakig estorya sang Pilipinas kag nagpasalig ang Kuwaiti government sa safety sang mga Filipino migrant workers sa nasambit nga pungsod.

Wala pa gin pangalanan ni Cayetano kon sin o ang ma replace kay Villa apang ginsigurado sini nga ang embahada sa Kuwait yara kag ready sa pag respondi sa mga needs sang OFWs.

Gindugang pa ni Cayetano nga padayun ang pag proseso sang embahada sa repatriation sang kapin 800 ka OFWs nga yara sa pag inakop sang POLO-OWWA sa Gulf State.

Facebook Comments