NAKAPAULI NA | Taga Aklan nga nagpa rescue sa Kuwait, nakaabot na sa Manila

105

Report ni: Tita Jen Palomo Debaja

Tuman ang kalipay ni Imee Lamirez Nacion ,28 anyos sang Poblacion Banga Aklan nga naka pauli na gid man siya sa Pilipinas.

Takna alas 11:30 sabado sang gab e sang naglanding ang ginsakyan ni Imee nga Gulf Air 154 sa Manila International Airport halin sa pungsod Kuwait.

Una nga nagviral ang video post ni Imee kon sa diin naga pangayu ini sang bulig nga makahalin na sa mga amo tungod delikado na ang iya sitwasyon .

Sa panaysayon ni Imee via messenger call, masubra na 3ka tuig ini nga naga ubra sa mga amo kag manugtapos na gani ang iya ika duha nga kuntrata apang ang mga promisa sang amo nga hatagan siya sang day off kag free nga makagamit sang cellphone wala man gintuman.

Nag lisensiya man si Imee nga papulion nalang apang ginhambalan nga bayaran sini ang remaining nga binulan sang iya kuntrata. Ginpahog man sang amo nga kon mamilit pa siya may matabu gid sa iya nga malain.

Pila na ka beses ini nga tuyo sakiton sang amo kag ang worst ang natabu sang biyernes sang mismo amo na nga lalaki ang nagpahog sa iya dala ang hose nga tuyo pa siya latiguhon. Maayo nalang naka palipud ini sa pwertahan.

Sa tuman nga kahadluk ni Imee dali dali ini nga naghimu sang video nga nagapangayu sang bulig.

Dugang ni Imee, madamu ang nagtawag sa iya amo matapos na post ang video kag gilayun man ginbaklan siya sang ticket kag gin dul ong sa airport apang ginpabayad gid ini sang 200KD sa 3 pa kabulan nga wala matapos sa kuntrata.

Sa liwat naga pasalamat gid si Imee sa tanan nga nagresponde sa iya panawagan kag sa maabtik man nga aksyon sang embahada sa Kuwait.

Facebook Comments