Nakarnap na Sakyanan Gigamit sa Pagpangawat

Isa ka nakarnap na motorsiklo an narecover sa mga otoridad human taggamit nan mga menor de edad sa ila pagpangawat. Sumaya pa na nakurat na lamang an tag ija sa sakyanan na biktima sa pagpangarnap na si Marney Amodia, 30 anyos taga barangay Taft inin ciudad sa did-on nakit an nija an ija Honda Wave 100 color black na nakaparking sa haw-anan nan Surigao City Police Station. Sumaya pa nan biktima na ireport unta nija sa mga otoridad an pagkawaya sa ija sakyanan na tagparking lamang sa may dayan Borromeo alas 3:40 sa kaadlawon gaina, Octobre 20,2017. Nahibaw an na lamang sa biktima na taggamit baja sa tuyo ka mga kawatan na batan-on an ija sakyanan sa pagpangawat kagaina kaadlawon pero kay nasakpan man ini sa mga nagronda na tanod sa barangay Taft rason na dali ini na miikyas sanan tagbijaan an tagkarnap na motorsingle. Giturn-over dajon sa mga barangay tanod an amu na motorsiklo sa City Police Station sanan didto na mahibaw-i na ini gikarnap rasab baja sa mga menor de edad samtang nakaparking sa may dayan Borromeo. Tagpahimangnuan kuman nan mga otoridad an nanag-ija nan mga motorsingle na magbinantayon gajud para di makawat an ila mga sakyanan sanan malikayan na ini magamit sa mga krimen.(Report from RadyoMaN Jerson Fuentes)

Facebook Comments