Nakasibat sa target sa buy bust ug 2 drug den visitors gikiha

Davao City-Paglapas sa RA 9165 ang gikaso sa nakasibat nga target sa drug buy bust operation ug duha ka mga bisita sa drug den.

Gibutyag ni Philippine Drug Enforcement Agency (PDEA-XI) Spokesperson Noli Dimaandal, napalitan ang suspek nga si Jeverlon Orcullo, alias “Sadam” sa ilahang agent apan nakamatikod kini nga operatiba ang iyang ka-transact og dali kining nakaipsot sa Purok Gemelina Centro, Barangay San Miguel, Digos City, Davao del Sur.

Samtang arestado ang mga giingong drug den visitors nga sila Jaymark Orcullo ug Joey Cobol.


“Isyuhan to sya’g warrant kay napalitan man siya kaya lang at large lang siya. Na-file na nato ang kaso sa iyaha ug sa duha ka mga visitors,” sumala niini.

Gibutyag ni Dimaandal, nagkantidad sa P32,000 ang mga narekober nga mga shabu sulod sa maong drug den.

RadyoMaN Aimee Guinita

Facebook Comments