NAKITA NA | Lalaki nga missing sang 3 ka bulan, nakit-an nga patay, ginlubong sa kawayanan

8103

LA CASTELLANA, NEGROS OCCIDENTAL – Nasapwan ang bangkay sang isa ka tawo nga halos tul-an na lang ang nabilin pasado las 9 kaina sang aga sa Sitio Luho, Brgy. Cabacungan, banwa sang La Castellana matapos nadula sang halos 3 ka bulan.

Nakilala ang bangkay nga amo si Juancho Barotag, 30 anyos ang edad, may asawa kag isa ka anak, pumuluyo sang Sitio Mantujod, Brgy. Cabacungan.


Suno sa iloy sang biktima nga nadula ang iya bata sadtong Pebrero 27 sini nga tuig kag wala sila nakahibalo sang rason.

Pahayag sang iloy nga may nakasugid sa ila nga may nakita nga kinutkutan sa kawayanan sa amo nga lugar gani ini ang ila ginpadulungan.

Matapos ginkutkot ang lugar didto kag ila nakita nga ini ang bangkay ni Juancho kon diin bisan nagakasubo, nagpasalamat na lamang ang iloy bangud nga nakita na ang iya bata kag mahatagan man lamang sang ensakto nga lubong.

Ginpahayag pa sang iloy nga wala siya sang may mapensar nga motibo ukon suspek bangud wala man ini sang ebidensya./dyHB BACOLOD

Facebook Comments

From Advertisers