TALISAY CITY – Naglab-ot sa P37,000 nga cash ang nakuha sang mga kawatan nga armado matapos ila nga ginsulod ang showroom sang Honda Cars las 10 kagab-i.
Ginsulod ang apat ka mga armado ang showroom sa diin nag-agi ini sa likod lapos sa service area ukon shop sang Honda.
Gilayon nila nga gintayaan ang duha ka mga gwardya nga sanday Danilo Dinoro kag John Galanza sang Redeemer Security Agency nga ginapanag-iyahan ni anay BCPO Director PSSupt. Pedro Merced.
Wala na mahimo ang duha matapos nga ginakuhaan ini sila sang pistola, ginpaduko dala pa lampos sa ila tangkugo sang shotgun kag ginatayaan sa kilid. Ginkuha pa ang ila mga cellphones kag kwarta.
Guba ang vault sang amu nga showroom matapos nga ini ang gingamitan sang maso sa sulod sang halos duha ka oras nga lampusanay. Nakit-an man ang acetylene sa kilid sang vault apang wala ini nagamit bangod indi kahibalo ang mga suspek.
Hungod nga gintabunan sang mga suspek ang ila itsura paagi sa pagburimbod sang tshirt sa ila nga ulo.
Suno kay PSupt. Butch Aceo nga indi man organisado nga grupo ang naghimo bangod sa istilo sang ila nga pagsulod. Ini apisar nga armado sila sang shotgun kag pistola.
