Nakurat! Helicopter, hapit mahagsa sa Barangay Lapasan

PC: RadyoMaN Nitz Arancon

Nalangkat ang mga atop, naputol ang mga linya sa kuryente, nangabukasan sa senina ug nanglupad ang mga hinalay sa mga residente ug uban pa.

 

Kini ang nahitabo sa Lapaz 2, Kolambog, Barangay Lapasan ning syudad mga alas 9 kaganihang buntag human hapit mahagsa sa ilang lugar ang usa ka helicopter.

 

Lakip sa mipadayag sa ilang obserbasyon silang Joy Fajardo, Alex Ubatay, Ilbong Fajardo, Gloria Dragon, Dolores Ubatay, Elvie Fajardo, Teresita Fajardo Ubatay ug Jommel Beri nga puros mga residente sa lugar.


 

Nagtoo ang mga residente nga nawad-an og kontrol ang piloto sa green nga helicopter maong hapit kini mahagsa sa lugar nga gikabalaka sa mga residente.

 

Hinoon, mipasalamat ang mga residente nga walay samaran ug giiway pa sila sa mas dakong kadaot.

 

Dali usab miaksyon ang mga opisyal sa Barangay Lapasan pinaagi sa pagpadala og mga electricians sa lugar aron masusi ang mga naputol nga linya sa kuryente.

Facebook Comments