BACOLOD CITY – Gin-declare naman dead-on-arrival ang isa ka 3 anyos nga bata nga babayi matapos nga ini ang nalumos sa baybayon sang Brgy. 2, Bacolod City kahapon sang udto.
Nakilala ang biktima nga si Derla Mezzy dela Peña, pumuluyo sang Purok Kagaykay, Brgy. 2.
Suno sa tiyo sang biktima nga si Jerish Panawo nga nasapwan na gid lamang nga naga utaw-utaw ang biktima sa baybayon sang amo nga lugar.
Dali-dali pa kuntani nga gindala sa Corazon Locsin Montelibano Memorial Regional Hospital ang biktima apang ini siya ang gindeklarar nga dead-on-arrival sang attending physician nga si Dr. Ann Salvo.
Facebook Comments
