NALUMOS SA SUBA | Mag-live in, nalumos sa suba…..babaye patay samtang missing naman ang lalaki

Patay ang 50 anyos nga babaye samtang missing naman ang 51-anyos sini nga live-in partner matapos malumos sila sa suba kaina sang hapon sa Barangay Siniba-an, Dingle, Iloilo.
Ginkilala ang napatay nga si Mila delos Santos samtang ang missing nga live-in partner sini ginkilala kay Julie Cahilo, pumuluyo sang Barangay Namatay, Dingle, Iloilo.
Ginpahayag ni Police Sr. Inspector Samuel Vepenosa, hepe sang Dingle PNP nga naandan na sang mag-live in nga magtabuk sa suba bilang short cut pauli sa ila balay sa Barangay Namatay gikan sa banwa.

Subong man, ginpahayag ni Vepenosa nga kahapon nagtaas ang tubig sa suba kag makusog ang daludo sang tubig kabangdanan nga naanod ang duha sang magtabuk sila mga alas 3 sang hapon.

Natigayon nga makita ang lawas sang babaye mga alas 4 sang hapon kag dali-dali nga gindala sa pribado nga clinic sa banwa sang Dingle apang gindeklarar nga dead on arrival.
Ginpangita naman sang mga rescue team ang ka-live in sini nga si Cahilo apang wala pa makit-an tubtub subong.


Facebook Comments