General Santos City–Giandam na sa kapulisan ang kasong pagsupak sa RA 9165, sec 5 sa art II kung pagpamaligya ug iligal nga droga batok sa usa ka Michael Pagaduan alyas Mike, 27 anyos, nga nanimuyo sa Caseres Compound, Luningning Street, Purok Malakas Barangay San Isidro, Gensan.
Sumala pa ni Police Capt Davis Dulawan ang hepe sa Police Station 4 nga nasikop ang nasangpit nga supect alas 10:10 ang takna sa gabie human kining namaligya ug usa ka rolyo sa pina-ugang dahon sa marijuana sa Sarangani Homes Phase 1.
Nakuha sa posisyon sa nasampit ang baligya niini nga marijuana ug ang P50.00 nga mark money.
Sa kasamtangan nagtingkagol na ang suspect sa selda sa Police Station 4 samtang ginaandam na ang kaso batok kaniya. (Dave Silagan)
Facebook Comments
