Tupi, South Cotabato – Dead on the spot ang tricycle driver human gipusil sa wala mailhing suspetsado sa National Highway, Barangay Kablon, Tupi, South Cotabato samtang namasada.
Sa inisyal nga imbestigasyon sa Tupi Municipal Police Station, giila ang biktima sa pagpamusil nga si Gwaffi Solaiman y Ali, 25 anyos, minyo, empleyado sa Joeymar Grocery Store.
Dugang sa imbestigasyon sa kapolisan sa Tupi, bag-o pa sa pagpamusil nagmaneho og tricycle sa National Highway, Brgy. Polonuling ang biktima kauban ang tulo ka mga pasahero gikan sa Gaisano Mall Polomolok og pabalik na sa ilang panimalay.
Adunay duha ka wala mailhing suspek sakay og itum na single motorcycle ang kalit nga gipusil ang biktima sa makadaghang higayon igo sa nagkadaiyang parte sa kalawasan hinungdan sa hinanaling kamatayon sa nahisgutan.
Natuwad pa sa kilid nga bahin sa highway ang tricycle sa biktima human mapusilan sa mga suspek ug ang mga pasahero luwas sa maong panghitabo.
Ang mga suspek misutoy og dagan paingon sa direksyon sa Brgy. Poblacion sa nasangpit na munisipyo.
Gi-proseso sa imbestigador sa Tupi PNP ang crime scene og narekober ang tulo ka mga fired cartridge case sa .45 caliber pistol og gitugyan gilayon ngadto sa South Cotabato Crime Laboratory Office alang sa cross matching examination.
Mihimo dayon og hot pursuit operation og nakig-alayon ngadto sa kasikbit nga Police Stations alang sa posibleng pag-ila ug pag-aresto sa mga suspetsado.
Ang patayng lawas sa biktima gipa-ilawom sa post-mortem examination dayon gitugyan sa iyahang mga kabanay alang sa tradisyunal nga pagpalubong sa relihiyong Islam.
CTTO : Alex Castro FB Account
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 120714114_2725094654438254_6670415439877144851_o.jpg]
