Namatay nga niadto’g sabungan ‘highly suspected’ sa COVID-19

4356

Davao City – Highly suspected sa COVID-19 ang namatay nga usa sa mga adunay history of travel sa New Matina Davao Gallera.


Kini sumala ni Davao City Mayor Sara Duterte sa Davao City Disaster Radio subay sa impormasyon nga gipadangat kaniya sa mga doktor.

“Kadtong namatay wala pa siyay result nga nibalik but ang iyahang human presention is highly suspected of COVID-19. Mao to as a precaution niingon dayon ang doktor kung gikan mo atong New Matina Davao Gallera sabungan March 6 to March 13 i-isolate ninyo inyong kaugalingon.”

Gibutyag sa mayor nga adunay Patient Under Investigation (PUI) nga naggikan usab sa nasangpit nga sabungan nga nga wala nisumite sa iyahang kaugalingon sa health centers o sa doktor bisan nakitaan kini’g flu-like symptoms, samtang matud sa mayor adunay nagpositibo sa coronavirus gamit ang rapid testing kit.

“Naga-proliferate man ang rapid testing kits pero kining rapid testing kits dili ni siya recognized by Department of Health. So naay isa nag-positive siya and then when asked kung unsa iyahang history it’s the same, sabungan,”

Una ng gibutyag sa mayor nga adunay duha ka mga pasyente nga parehong niadto usab sa nasangpit nga sabungan.

Gipanawagan gilayon karon sa lokal nga panggamhanan nga kinahanglang mag-isolate sulod sa 14 ka adlaw ang tanang niadto sa maong sabungan lakip na ilahang mga pamilya ug mga close contact kanila ug mutawag sa COVID-19 Operations Center o muadto sa Sta. Ana ug Crossing Bayabas health centers kung adunay mga flu-like symptoms.




RadyoMaN Aimee Guinita

Facebook Comments