Makapila na matod pa ka higayon nga nagbalhin sa mga amo ang OFW nga namatay sa Dubai UAE nga si Angel Trasadas na taga-General Santos tungod sa pagpamun-og na hangtud karon dili pa tin-aw ang hinungdan sa iyang pagkamatay.
Matod sa usa ka paryente ni Trasadas ilaha lamang nasayran nga adunay bleeding ang nahisgutang OFW. Nagsugod matod pa pagtrabaho sa Dubai si Trasadas sukad niadtong 2013 og nagpapuli sa mga amo gumikan ginamaltrato.
Kahibaw-an nga gikumpirma sa DFA ang pagkamatay ni Trasadas apan dili pa mabalik ang patayng lawas niini sa iyang pamilya dinhi sa Gensan gumikan gipahigyong imbestigasyon sa Dubai Police.
Gisiguro hinuon sa konsulada nga makig-alayon ang Pilipinas ngadto sa otoridad sa Dubai kabahin sa nadangatan ni Trasadas.
Padayon ang pag-apela sa paryente sa maong OFW nga tabangan sila sa gobyerno na makauli ang patayng lawas niini human nga nabyaan ang duha ka mga anak.
*For more info’s and updates, like and share our official facebook account : www.facebook.com/ifm91.9Gensanofficial/ <www.facebook.com/ifm91.9Gensanofficial/>*
