Davao City – Gibalhog sa selda sa Toril PNP ang suspek nga si Epifanio Torremocha 42 anyos nagpuyo sa Barangay Tungkalan Toril Davao City human gitudlong maoy nagdunggab ni Erwin Sarona 32 anyos residente sa Barangay Bayabas Toril Davao City.
Sa Blotter sa Toril PNP, nasayran nga namista ang biktima sa Barangay Tagurano Toril ug mipalit sa tindahan ug ilimnon alas tres sa kaadlawon. Kalit lamang nga mibutho ang suspek nga dunay bitbit nga kutsilyo ug gidunggab ang biktima nga naigo sa iyang tiyan.
Gidala dayon ang biktima sa SPMC samtang ang suspek nadakpan ni Brgy Captain Danilo Camarillo ug daling giindorso sa Toril PNP.
Kasong Frustrated Homicide ang kasong ipasaka sa kapulisan batok sa suspitsado.
Kasamang Erin Lumosbog
Facebook Comments
