Namulot sang wala pa naglupok nga palupok kagab-i, nalukpan kaina sang aga

78

MURCIA, NEGROS OCCIDENTAL – Duha ka mga menor de edad ang nalukpan sang firecracker matapos nga ila ginpulot ang wala nakalupok nga palupok sini gid lamang nga aga sa Brgy. Alegria, banwa sang Murcia.

Ang mga biktima, isa ka 14 anyos kag 11 anyos nga mga kabataan nga lalaki, lunsay pumuluyo sang Had. Hesusa, Brgy. Alegria sang amo nga banwa.

Suno sa mga biktima nga may mga las 8 sini gid lamang nga aga, ini sila ang nagpang-mulot sang mga palupok nga wala naka-lupok.

Apang, aksidente naman nga ini ang naglupok kon diin ang 14-anyos nga biktima ang naigo sa tuo nga kamot kag tiyan, samtang ang 11-anyos naman nga biktima ang naigo sa iya agtang kag ibabaw nga bahin sang mata.

Lunsay man gindala sa Corazon Locsin Montelibano Memorial Regional Hospital ang amo nga mga biktima./dyHB BACOLOD

Facebook Comments