Namuyo sa flood-landslide prone areas gipasidad-an

20

Davao City- Nagpahimangno ang Davao City Disaster Risk Reduction and Management Office sa mga namuyo sa landslide ug flood prone areas nga magdoble igmat batok thunderstorms nga mamahimong hinungdan sa pagbaha o pagtaas sa lebel sa mga kasapaan.

Sa interbyu sa RMN Davao kang CDRRMO chief Alfredo Baluran, gitambagan niini ang mga namuyo sa peligrosong mga area nga mangita og kapuy-an o kabalhinan alang sa ilang safety.


“Delikado man gud ang thunderstorm kay nagadala ni siya’g kusog nga pag-ulan, dili nato ma-forecast dili pareho sa bagyo nga makita nato ang track kung asa padulong, ang thunderstorm muhatag mani siya’g pagbaha,” sumala niini.

Gibutyag ni Baluran, adunay mga minor damages nga natala tungod sa pagbaha niadtong Sabado (Abril 10,2021) diin adunay mga pader ang nangadaot ug adunay pipila ka mga indibidwal ang gi-rescue sa Spring Valley ning dakbayan sa Davao.

RadyoMaN Aimee Guinita

Facebook Comments