Namuyo sa mga landslide prone areas gipaigmat

21

Davao City – Gipaalerto ug gipahimangnoan ang mga Davaoeños sa La Niña season.

Segun ni City Disaster Risk Reduction and Management ( CDRRMO) Chief Alfredo Baluran, kinahanglang mangandam partikular na ang mga namuyo sa mga landslide ug flood-prone areas.

“Kung adunay mga kausaban ug kung aduna silay mamatikdan nga mura’g unusual nga mga movement sa yuta muhawa na dayon diha dili na sila magdugay unya magsulti gyod sila kay dili man kada oras nga naa ang CDRRMO diha magtan-aw sa ilaha. Atoang gipangayo ang tabang nila, tabang sa ilahang barangay nga namuyo diha (landslide prone areas),” matud ni Baluran.

Hangtod wala pay kabalhinan kanunay nga ginamonitor, ang mga residente sa giilang landslide prone areas ang Tigatto, Maa, Matina Pangi, Shrine Hills, Buhangin ug Panacan, syudad sa Davao.

Sumala niini 24/7 nga ginamonitor sa CDRRMO ang mga weather disturbances ug nakaandam usab sila sa panahon sa emerhensiya.

RadyoMan Aimee Guinita

Facebook Comments